`Çavuşoğlu ilə görüş maraqsız keçdi` - Lavrov (Yenilənib)
Belqradda keçirilən görüşün detalları barədə məlumat verilmir.
Qeyd edək ki, Türkiyə hərbi-hava qüvvələrinin noyabrın 24-də Rusiyanın SU-24 təyyarəsini vurmasından sonra iki ölkə arasında münasibətlər gərginləşib.
***
`Noyabrın 24-də Türkiyənin hava məkanının pozulması nəticəsində baş vermiş insident İŞİD-ə qarşı ümumi mübarizəmiz ilə əlaqələndirilməməlidir`
Bunu Türkiyə xarici işlər naziri Mövlud Çavuşoğlu rusiyalı həmkarı Sergey Lavrov ilə görüşündən sonra bildirib.
M. Çavuşoğlunun sözlərinə görə, Türkiyənin hava məkanını pozmuş “Su-24” təyyarəsi ilə bağlı insidenti İŞİD-ə qarşı ümumi mübarizəmiz ilə əlaqələndirmək lazım deyil.
Lavros isə Türkiyə XİN rəhbəri ilə görüşdən Rusiyanın heç nə qazanmadığını, görüşün mənasız keçdiyini bildirib: “Mövlud Çavuoğludan yeni, təzə heç nə eşitmədik. O, yalnız prezidenti Ərdoğanın dediklərini təkrar etdi”.
AzVision.az