Elman Rüstəmov: “Keçən il pul siyasəti yumşaldılıb”

  14 Yanvar 2020    Oxunub : 2349
 Elman Rüstəmov: “Keçən il pul siyasəti yumşaldılıb”
"Keçən il pul siyasətinin yumşaldılması ilə də xarakterizə olub. Bu, hər iki istiqamətdə baş verib. 2018-ci və 2019-cu illərdə, yəni biz o yüksək inflyasiya illərində faiz dərəcəsini 15 faizə qaldırmışdıq, təxminən 2 dəfə aşağı salınıbdır və bu gün uçot dərəcəsi 7,5 faizdir".
Azvision.az xəbər verir ki, bunu Mərkəzi Bankın sədri Elman Rüstəmov Prezident İlham Əliyevin yanında 2019-cu ilin yekunları ilə bağlı keçirilmiş müşavirədə deyib.

Baş bankir bildirib ki, ötən il 8 dəfə uçot dərəcəsi müzakirə edilib: "Onun 7-də faiz dərəcələri aşağı salınıb. Bütövlükdə biz bu siyasətin ümumi faizlərə də təsirini görürük. Son iki ildə xüsusi olaraq biznes kreditləri üzrə faiz dərəcəsinin 5 faiz aşağı düşdüyünü görürük. Təxminən 16 faizdən 11 faizə düşüb. Digər istiqamətlərdə də faiz dərəcələrinin tədricən aşağı düşdüyünü görürük. Təbii ki, bunun səviyyəsi bizi hələ qane etmir və bu istiqamətdə işlər davam etdiriləcəkdir".

Azvision.az

Teqlər: MərkəziBank   ElmanRüstəmov