Bir ildə DGK-ya 53 mindən çox müraciət daxil olub

  13 Yanvar 2020    Oxunub : 2053
Bir ildə DGK-ya 53 mindən çox müraciət daxil olub
Dövlət Gömrük Komitəsi ötən il ərzində “195/6” Çağrı mərkəzinə daxil olan zənglərin hesabatını hazırlayıb.
Komitənin Mətbuat və İctimaiyyətlə Əlaqələr İdarəsindən Azvision.az -a verilən məlumata görə, Çağrı mərkəzinə şəxslər tərəfindən ünvanlanan 53 min 75 müraciət cavablandırılıb. Bu müraciətlərdən 9073-ü elektron xidmətlər, 5142-si gömrük ödənişləri, 7406-sı fiziki şəxslər tərəfindən istehsal, yaxud kommersiya məqsədləri üçün nəzərdə tutulmayan mallar ilə bağlıdır. Həmçinin sərbəst dövriyyə üçün buraxılış gömrük proseduru ilə bağlı 5312 müraciət, müvəqqəti idxal gömrük proseduru üçün 4285, xidmətə qəbul qaydaları ilə əlaqədar olaraq 609 və digər mövzularla bağlı 14 min 943 müraciət daxil olub.

Azvision.az

Teqlər: FGK   komitə