`Neft 16 dollar olsa da, dözəcəyik` - Baş nazir
"Neftin 1 barelinin qiyməti 30 dollar olacağı təqdirdə, Qazaxıstanda ÜDM istehsalı sıfır səviyyəsində olacaq. Biz dövlət büdcəsində neftin baza qiymətini 1 barelə görə 40 dollardan hesablamışıq, lakin bu rəqəm 30 dollaradək enə bilər. Neftin 1 barelinin qiyməti 16 dollara düşsə belə , biz buna dözərik. Düzdür, bəzi layihələr korreksiyaya məruz qalacaq", - Masimov qeyd edib.
Baş nazirin proqnozuna əsasən, cari ilin birinci yarısında neftin 1 barelinin qiyməti 20 dollara enə bilər. Bununla belə, ilin ikinci yarısında bu rəqəm 30-40 dollaradək artacaq.
Eldar Tanrıverdiyev
AzVision.az