Miqrantlar qadınlara hücum etdi – Almaniyada ara qarışdı

Miqrantlar qadınlara hücum etdi – Almaniyada ara qarışdı
  06 Yanvar 2016    Oxunub:3534
Yeni il axşamı Almaniyanın Köln şəhərində miqrantlar kütləvi şəkildə qadınlara hücum edib.
AzVision.az `Die Zeit`-a istinadən xəbər verir ki, həmin gün 100-ə yaxın insident qeydə alınıb.

Hadisə ilə bağlı məlumatı hadisələrdən beş gün sonra yanvarın beşində şəhər polisinin rəhbəri Volfqanq Albers səsləndirib. Onun sözlərinə görə, 15 qadın seksual təcavüzə məruz qalıb. Bundan əlavə, miqrantlar qadınları qarət ediblər.
Albers qeyd edib ki, hücumlar Köln kilsəsi ərazisində baş verib, miqrantların əksəriyyəti içkili olub.

Hələlik hadisə ilə bağlı heç kim saxlanılmayıb.

Almaniya kansleri artıq baş verən insidentə reaksiya verərək hadisə ilə bağlı araşdırmaların aparılmasını və günahkarların cəzalandırılmasını tələb edib. Köln meri Henritta Reker isə miqrantların tərəfini tutub. Onun sözlərinə görə, miqrantların ünvanına olan şübhələr əsassızdır.

Eldar Tanrıverdiyev
AzVision.az


Teqlər:  





Xəbər lenti


Azvision.az ©2014 | Bütün hüquqları qorunur