Financial Times: "NATO Kiyevin üzvlük istəyinə məhəl qoymadığını etiraf etdi"

Financial Times: "NATO Kiyevin üzvlük istəyinə məhəl qoymadığını etiraf etdi"
  04 Aprel 2023    Oxunub:1026
NATO nümayəndələri etiraf ediblər ki, onlar Ukrayna hakimiyyətinin alyansa qoşulmaq üçün olan müraciətlərinə məhəl qoymurlar.
AzVision.az xəbər verir ki, bu barədə “Financial Times” NATO-nun adları açıqlanmayan diplomatlarına istinadən yazıb.

“Ukrayna qalib gəlməsə, NATO-ya üzvlüyünün əhəmiyyəti olmayacaq”
Diplomatlardan birinin sözlərinə görə, Ukraynanın məlum müraciəti masadadır. Lakin onlar “sadəcə buna məhəl qoymurlar”... Digər diplomat isə qeyd edib ki, NATO Zelenskiyə üzvlük məsələsini tezliklə təklif edə bilməyəcəyini söyləyib. O fikirlərinə onu da əlavə edib ki, "biz yalnız NATO ilə Ukrayna arasında daha sıx münasibətlərdən danışa bilərik. Çünki alyans hazırda böyük maliyyə defisiti yaşayır".

Məqalədə o da yazılıb ki, NATO üzvlərinin bu cür mövqe sərgiləməsi Kiyev rəsmilərini getdikcə daha çox qıcıqlandırır.

Vladimir Zelenskinin ofis rəhbərinin müavini Andrey Sibiqa qəzetə müsahibəsində bildirib ki, Ukrayna NATO sammitinin nəticələrinə görə “açıq qapı siyasəti haqqında bəyannamə” deyil, “xüsusi təminatlar” almaq istəyir.

Xatırladaq ki, 2022-ci il sentyabr ayının sonunda Vladimir Zelenski Ukraynanın NATO-ya sürətli şəkildə üzv olmaq üçün müraciət etdiyini bəyan etmişdi.

Tural Tağıyev
AzVision.az



Teqlər:   Ukrayna   NATO  





Xəbər lenti


Azvision.az ©2014 | Bütün hüquqları qorunur