Ermənistanın eks-baş naziri: "Putin Nikola deyir ki, sizi mən xilas etdim!"

Ermənistanın eks-baş naziri: "Putin Nikola deyir ki, sizi mən xilas etdim!"
  29 Dekabr 2022    Oxunub:911
Dəhliz böhranı separatçılarla yanaşı erməni cəmiyyətini də təşviş içində saxlayır. Siyasətçilər, ziyalılar gileylənir, yerli media isə əsasən pessimist nota köklənərək ölkənin uçuruma getdiyini yazır.
Məsələn, Ermənistanın keçmiş baş naziri Hrant Baqratyan "168" telekanalının efirində diqqət çəkən açıqlamalar verib. O iddia edib ki, guya Laçın dəhlizinin bağlanmasında İrəvan da maraqlı olub: “Artıq yeni xəyanətkar sənədlər imzalanıb. Paşinyan başa düşür ki, indi bunu açıqlasa, xalq üsyana qalxacaq. Əgər Azərbaycanın tələbləri yerinə yetirilərsə, ortada Ermənistana aid 14-15 min kvadratmetr ərazi qalacaq. Hazırda biz yalnız erməni ordusunun yenidən təşkilatlanmasına ümid etməliyik. Ordu döyüşlərlə Xankəndinə başqa istiqamətdən yeni yol açmalıdır”.

“Bölgədə gülüş predmetinə çevrilmişik” - Sabiq erməni baş nazir
Eks- baş nazir onu da vurğulayıb ki, bütövlükdə Rusiyanın maraqları Ermənistan Respublikasının maraqları ilə ziddiyyət təşkil etmir. Lakin Paşinyan Qərblə müəyyən oyunlar oynayır. Putin isə açıq şəkildə deyir: "Siz nə edirsiniz axı? Səni mən xilas etmişdim!".

“Nikol Paşinyan, sən nə edirsən? Siz mətbuatı anti-Rusiya əhval-ruhiyyəsi ilə yükləmisiniz. Hətta bütün bunlardan sonra parlamentdənkənar qüvvələrlə görüşlər keçirir, yenə də anti-Rusiya ab-havası yaradırsınız. Nikol, budur sənin xarici siyasətin? Azərbaycanla Türkiyə düşmənimiz idi. İndi isə siz Rusiya ilə İranı bizə düşmən edirsiniz?”, - Baqratyan gileylənib.

Tural Tağıyev
AzVision.az



Teqlər:   Putin   Ermənistan   Dəhliz  





Xəbər lenti


Azvision.az ©2014 | Bütün hüquqları qorunur