“Qırmızı dəniz pulsuz naviqasiya üçün mühüm su yolu və beynəlxalq ticarəti asanlaşdıran əsas ticarət dəhlizidir. Əsas naviqasiya azadlığı prinsipini dəstəkləməyə çalışan ölkələr, beynəlxalq suları qanuni şəkildə keçən bir çox ölkənin ticarət gəmilərinə (husilərin) ballistik raketləri və pilotsuz təyyarələrin buraxılması məsələsini həll etmək üçün bir araya gəlməlidir. Bu, kollektiv fəaliyyət tələb edən beynəlxalq təhdiddir”, - Pentaqonun məlumatında deyilir.
Lloyd Ostin əməliyyata ABŞ-la yanaşı, Böyük Britaniya, Bəhreyn, Kanada, Fransa, İtaliya, Hollandiya, Norveç, Seyşel adaları və İspaniyanın da iştirak qoşulacağını, onların Qırmızı dənizin cənubunda və Ədən körfəzində təhlükəsizlik məsələlərini birgə həll edəcəklərini vurğulayıb.
Lakin ABŞ-nin müdafiə naziri əməliyyatla bağlı təfərrüatları və konkret olaraq bu əməliyyatın nələri əhatə edəcəyini açıqlamayıb.
Qeyd edək ki, husilərin hücumları fonunda dünyanın dörd ən böyük gəmiçilik şirkəti gəmilərin Süveyş kanalından keçməsini dayandırıb və ya onları başqa marşrutlara yönləndirib. İsveçrə Mediterranean Shipping Company (MSC) gəmiçilik, Fransanın CMA CGM, Danimarkanın Maersk və Almaniyanın Hapag-Lloyd nəqliyyat şirkətləri belə qərara gəliblər. Birlikdə onların payına dünya üzrə konteyner daşımalarının yarıdan bir qədər çoxu düşür.
Bundan əlavə, BP neft-qaz şirkəti də Qırmızı dəniz vasitəsilə neft nəqlini dayandırıb.
Sahil İsgəndərov
AzVision.az
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
