Ermənistanda hərbi komissar öldürüldü
Hadisənin təfərrüatlarına gəlincə: Artur Mkrtçyan kəndin küçələrində “NİVA” markalı avtomobilini yüksək sürətlə idarə edib. Buna irad bildirən komissarla onun arasında mübahisə düşüb.Daha sonra mübahisə davaya çevrilib. Döyüldüyünü görən Artur Mkrtçyan evə qaçıb. Lakin sonradan döyüldüyünü həzm edə bilməyən Artur evdə olan tüfəngi götürərək komissarın yanına qayıdıb və ona iki dəfə atəş açıb. Derenik Papyan aldığı xəsarətdən elə hadisə yerində keçinib. Kənddən qaçan qatili polislər yolda tutub.
Artıq qətli törədən şəxs həbs edilib. Faktla bağlı cinayət işi açılıb, araşdırma aparılır.