Trampın real sülh planı yoxdur - “Der Spiegel”

Trampın real sülh planı yoxdur - “Der Spiegel”
  26 Dekabr 2024    Oxunub:375
ABŞ-nin yeni seçilmiş prezidenti Donald Tramp və Rusiya lideri Vladimir Putin arasında Ukraynadakı münaqişənin həlli üzrə danışıqların yaxın vaxtlarda baş tutacağı ehtimalı azdır.
Bu sözləri məşhur ukraynalı politoloq Vladimir Fesenko “Der Spiegel”ə müsahibəsində deyib.

Lavrov: “Rusiyanın səbrini sınağa çəkməyin”
Onun sözlərinə görə, hazırda ABŞ-nin yeni liderinin münaqişənin həlli ilə bağlı real sülh planı yoxdur. Bundan əlavə, Kreml olduqca sərt danışıqlar mövqeyi tutur ki, bu da dialoqun başlamasını çətinləşdirir. Kremlin mövqeyi hətta gələcək təmasların uğurla başa çatdırılmasını da çətinləşdirir.

Fisenko belə hesab edir ki, cəbhədə vəziyyət sabitləşənə qədər tərəflər danışıqlar masasına əyləşməyəcək. Politoloq həmçinin Donald Trampın atəşkəsə nail olmaq üçün Vladimir Putin və Rusiyaya təzyiq göstərmək üçün təsirli vasitələrinin olmasına da şübhə ilə yanaşır.

Qeyd edək ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.
Tural Tağıyev
AzVision.az



Teqlər:   Tramp   Ukrayna   Sülh  





Xəbər lenti


Azvision.az ©2014 | Bütün hüquqları qorunur