Paşinyan: "Belə çıxır ki, dəhliz sülhməramlıların nəzarəti altında deyil"

Paşinyan: "Belə çıxır ki, dəhliz sülhməramlıların nəzarəti altında deyil"
  27 Dekabr 2022    Oxunub:1454
Ermənistanın baş naziri Nikol Paşinyan Sankt-Peterburqda Rusiya prezidenti Vladimir Putinlə görüşüb. AzVision.azxəbər verir ki, o, Kreml rəhbərinə müzakirə olunacaq ən vacib məsələnin Laçın dəhlizindəki böhran olduğunu deyib.
- Təxminən 20 gündür ki, Laçın dəhlizi bağlanıb və bu, Qarabağdakı Rusiya sülhməramlılarının məsuliyyət zonasıdır, - Paşinyan qeyd edib.

Putin, İlham Əliyev və Paşinyan birgə müzakirələr aparıblar
O xatırladıb ki, üçtərəfli bəyanata əsasən, Laçın dəhlizi Rusiya sülhməramlılarının nəzarəti altında olmalıdır və Azərbaycan isə sərnişinlərin və yüklərin maneəsiz keçidinə zəmanət verib.

"Və belə çıxır ki, Laçın dəhlizi Rusiya sülhməramlılarının nəzarəti altında deyil. Təbii ki, mən bu vəziyyəti və onun həlli üçün hansı variantların olduğunu müzakirə etmək istərdim", - Ermənistanın baş naziri Rusiyanın İrəvana, dəhliz məsələsinə soyuq yanaşmasından gileylənib.

Tural Tağıyev
AzVision.az



Teqlər:   Putin   Paşinyan   Dəhliz   Sülhməramlı  





Xəbər lenti


Azvision.az ©2014 | Bütün hüquqları qorunur