Azərbaycanda təyyarə restoran yaradılacaq -FOTO

  04 Fevral 2014    Oxunub : 817
Azərbaycanda təyyarə restoran yaradılacaq -FOTO
Quba rayonunun Qələdüz kəndində istifadəyə yararsız təyyarədən restoran kimi istifadə ediləcək.
AzVision.az Regional TV-yə istinadən xəbər verir ki, bu məqsədlə Rusiya istehsalı olan TU-134B markalı təyyarə kranların köməyi ilə sütunların üzərinə qaldırılıb. İçərisində təmizlik və təmir işləri görülüb. Təyyarənin restoran kimi istifadə olunacaq hissəsi 17,5 metr uzunluğunda və 8 ton ağırlığındadır.

Qurulacaq unikal restoranın sahibi, Dağlı-qələduz bələdiyyəsinin sədri Natiq Bəkmirzəyev istifadəyə yararsız təyyarə hissələrinin ona hədiyyə verildiyini bildirib. Hava gəmisi paytaxtdan adıçəkilən əraziyə ötən ilin oktyabr ayında gətirilib. Restoranı açacaq şəxs yaxın vaxtlarda təyyarənin digər hissələrini də kəndə gətirməyi düşünür. Maraqlıdır ki, qonaqlar “təyyarə restorana” trap vasitəsi ilə qalxacaq. ”Təyyarə restoran”ın ümumi görünüşünü tamamlamaq üçün onun qanadları da əsas hissəyə birləşdiriləcək.

Qeyri-adi restoranın yaradılmasında əsas məqsəd bol müştəri toplamaq və yaxşı gəlir əldə etməkdir. Qubanın Qələdüz kəndi dağ turizmi üçün əlverişli şəraitə malik olduğundan “Təyyarə restoran”a turistlərin böyük axın edəcəyi gözlənilir.

Foto


Teqlər: