AzVision.az xəbər verir ki, qrupun liderləri İngiltərə ilə Belçika qarşılaşıblar. Paralel keçən digər oyunda isə Panama ilə Tunis milliləri üz-üzə gəlib.

“G” qrupunda İngiltərə və Belçika milliləri 6 xalla səkkizdəbir finala vəsiqəni artıq təmin edib. Tunis və mundialın debütantı Panama yığmaları iki məğlubiyyətdən sonra sıfır xalla sonuncu yerlərdə qərarlaşıblar.

***
Belçika yığması İngiltərəni 1:0 hesabı ilə məğlub edərək 9 xalla qrup lideri olub. İngiltərə qrupu ikinci yerdə başa vurub. Hər iki komanda pley-off mərhələsinə adlayıb. Belə ki, turnirin 1/8 finalında Belçikal Yaponiya, İngiltərə isə Kolumbiya ilə qarşılaşacaq.

Paralel keçən oyunda Tunis 2:1 hesabı ilə Panamanı məğlub edib. Nəticədə Tunis 3 xalla qrupda 3-cü, çempionatın debütantı Panama isə 0 xalla sonuncu olub.

Bu görüşlərdən sonra dünya çempionatında qrup mərhələsinə yekun vurulub.

AzVision.az