AzVision.az ABŞ mediasına istinadən xəbər verir ki, Donald Trampın əhval-ruhiyyəsini qaldıran daha bir önməli məqam Respublikaçılar Partiyasının Konqresin yuxarı palatası olan Senatda da üstünlük qazanmasıdır.
Belə ki, səsvermənin ilkin nəticələrinə əsasən, Senatda nəzarəti ələ almaq üçün respublikaçılar zəruri olan 51 mandatı qazanıblar. ABŞ mediası demokratların Senatda hələlik 42-43 mandat əldə etdiyini yazır.
Hazırda Senatdakı 100 yerdən 49-na respublikaçılar, demokratlar isə onları dəstəkləyən müstəqil namizədlərlə birlikdə 51-nə nəzarət edirlər. Dünənki seçkilərdə ABŞ vətəndaşları Senatın 34 üzvünü yenidən seçirdilər.
Maraqlıdır ki, Konqresin Nümayəndələr Palatasında da respublikaçıların üstünlüyü qeydə alınır. “NYT” və “Fox News” onların 176, demokratların isə 139 mandat qazandığını yazır. “Associated Press (AP” nəşri isə respublikaçıların 178, demokratların isə 143 mandata yiyələndiyini bildirib.
Aşağı palatada səs çoxluğu əldə etmək üçün 218 yer tutumalıdır. Hazırda spiker Mayk Consonun rəhbərlik etdiyi Nümayəndələr Palatasında respublikaçıların cüzi üstünlüyü var: 220-nin 212-yə qarşı.
Sahil İsgəndərov
AzVision.az
Respublikaçılar Senatı da nəzarətə götürürlər
06 Noyabr 2024
Oxunub:281
ABŞ-də keçirilən prezident seçkilərində liderlik edən respublikaçı Donald Tram tezliklə Palm-Biçdə tərəfdarları qarşısında çıxış edəcək.
Teqlər: ABŞ Senat respublikaçılar
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
