Zəlzələ sonrası sel fəlakəti: 10 nəfər ölüb, itkin düşənlər var

Zəlzələ sonrası sel fəlakəti: 10 nəfər ölüb, itkin düşənlər var
  15 Mart 2023    Oxunub:1114
Türkiyədə zəlzələ bölgəsində leysan yağış insan itkisinə səbəb olub.
Adıyamanda konteynerin suya düşməsi nəticəsində 1 nəfər ölüb, 3 nəfər itkin düşüb. Şanlıurfada isə sel 4 nəfərin həyatına son qoyub. Seldə qalan 2 yanğınsöndürən axtarış-xilasetmə qrupları tərəfindən xilas edilib.

Tandoğan səmtindəki Yavuzlar yaşayış kompleksində isə 5 nəfərin meyiti tapılıb. Onların Suriya vətəndaşları olduğu bildirilib.

Bununla da şəhərdə baş verən sel fəlakətində həyatını itirənlərin sayı 9-a yüksəlib.

Şanlıurfa valisi dərəyə və kanal yatağına yaxın evlərdə yaşayan vətəndaşları davam edən leysan səbəbiylə evlərini boşaltmaları barədə xəbərdarlıq edərək, lazım olmadıqca evlərini və təhlükəsiz əraziləri tərk etməməyin vacib olduğunu bildirib.






Şahanə Rəhimli
AzVision.az


Teqlər:





Xəbər lenti


Azvision.az ©2014 | Bütün hüquqları qorunur