Səfirlikdən Azvision.az -a verilən məlumata görə, məqalə ingilis və rus dillərində dərc edilib. Yazıda bildirilir ki, ildən-ilə “Bir kəmər, bir yol” layihəsinə maraq göstərən ölkələrin sayı artır. Cənubi Qafqazın geosiyasi mərkəzi kimi Azərbaycan "Bir kəmər, bir yol" layihəsinin həyata keçirilməsində fəal iştirak edir. Azərbaycan "Bir kəmər, bir yol" layihəsi çərçivəsində 35 təsdiqlənmiş layihənin maliyyələşdirildiyi 13 ölkədən biridir.

Bakı bu layihənin həyata keçirilməsində iştirakını inkişaf etdirmək niyyətindədir. Bu baxımdan Azərbaycan Çin ilə Avropa arasına beynəlxalq dəmir yolu marşrutlarının işlənməsi üçün bir mexanizm qurub, Qazaxıstan bu prosesdə fəal iştirak edir. Qazaxıstanın ilk Prezidenti Nursultan Nazarbayev bu mövzuda İkinci Forumda danışıb. Qazaxıstan vasitəsilə Asiya və Avropanı birləşdirən ən qısa marşrutlar keçəcək. Azərbaycan, Qazaxıstan və Ukrayna bu prosesdə öz layiqli yerlərini ala bilərlər. Qloballaşmanın alternativ modeli olaraq bu layihənin taleyi vaxtla müəyyən ediləcək. Lakin bu gün ekspertlər bu təşəbbüsün faydaları haqqında danışırlar.

Məqalədə daha sonra Azərbaycanın regionda rolu təhlil edilir. Ölkəmizin Xəzər və Qara dəniz hövzələri ölkələri ilə əməkdaşlığında rolu barədə də geniş fikirlər vurğulanır.

Azvision.az