Gürcüstanın baş naziri Bidzina İvanişvili İsrail mətbuatına müsahibəsində prezident Mixeil Saakaşvilinin 2013-cü il prezident seçkilərindən sonra həbs ediləcəyini istisna etməyib. Bunula yanaşı İvanişvili prezidentin həbsini heç istəmədiyini qeyd edib.
“ Saakaşvili məsul şəxs olub, qərarları da özü qəbul edib. Lakin istəmirəm ki, o həbs edilsin, ancaq bu istisna deyil. Prokurorluq, məhkəmə var və hər kəs qanun qarşısında cavabdehdir. Mən onunla danışıqlar aparmaq niyyətində deyiləm”-deyə İvanişvili bildirib.
Baş nazir, ədliyyə naziri və baş prokuror dəfələrlə bəyan ediblər ki, Gürcüstan prezidenti müxtəlif məsələlərin araşdırılması ilə bağlı məhkəmədə dindirilə bilər.
Xatırladaq ki, 2012-ci il parlament seçkilərinin nəticələrinə görə Bidzina İvanişvilinin rəhbərlik etdiyi “ Gürcü Arzusu” koalisiyası qalib gəldi, prezidentin keçmiş hakim partiyası “Vahid Milli Birlik” partiyası isə müxalifətə keçdi. Hazırda parlament və hökuməti “Gürcü Arzusu” təmsil edir.
Qeyd edək ki, Gürcüstan prezidenti 5 il müddətinə seçilir. Gürcüstanda sonuncu prezident seçkiləri 2008-ci il yanvarın 5-də keçirilib. O zaman Saakaşvili ikinci müddətə prezident seçildi.
Parlament tərəfindən konstitutsiyaya edilən dəyişikliklərə əsasən Gürcüstanda növbəti prezident seçkiləri 2013-cü ilin oktyabrında keçiriləcək.
Səbinə Həsənova
AzVision.az
Saakaşvili həbs ediləcək
26 İyun 2013
Oxunub:1286
Bidzina İvanişvili bunu istəməsə də Gürcüstan prezidentinin həbs ediləcəyini istisna etməyib.
Teqlər:
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
