AzVision.az xəbər verir ki, Böyük Britaniyanın “Express” qəzetində belə sensasion ehtimal irəli sürülüb. Nəşr yazır ki, müqavilə çox gizli aparıla və Ukrayna qəfildən çox güclənə bilər.
“Bu halda Zelenski deyə bilər ki, bizim nüvə silahımız var və siz bizə hücum etsəniz, Moskvanı bombalayacağıq. Amerikanın gələcək lideri nüvə silahını ukraynalılara bu ölkənin NATO-ya üzv ola bilməməsi şərti ilə ötürə bilər”, - hərbi ekspert Nikolas Drammond jurnalistlərlə söhbətində deyib.
Ukraynalı tədqiqatçıların Müdafiə nazirliyi üçün hazırladığı hesabata istinad edən Böyük Britaniyanın “The Times” qəzeti ABŞ-nin hərbi yardımı kəsəcəyi təqdirdə, Kiyevin bir neçə aya nüvə bombası yarada biləcəyini yazıb. Almaniyanın “Bild” qəzeti isə, ukraynalı məmurun dediklərinə əsasən, Kiyevin guya bir neçə həftəyə nüvə başlığı yarada biləcəyini açıqlayıb.
Qeyd edək ki, dəfələrlə Qərbi NATO-ya tezliklə dəvət etməyə çağıran rəsmi Kiyev əks halda nüvə silahı yaradacağı ilə hədələyib. Rusiya prezidenti Vladimir Putin isə bildirib ki, müasir dünyada nüvə silahı yaratmaq çətin deyil, lakin Ukraynanın buna qadir olub-olmadığı hələ bəlli deyil. O, həmçinin bununla bağlı yayılan xəbərləri növbəti təxribat adlandırıb.
- Ukrayna tərəfindən bu istiqamətdə istənilən addım müvafiq reaksiya ilə qarşılaşacaq və Rusiya heç bir halda Kiyevə nüvə silahı yaratmağa imkan verməyəcək. Bundan əlavə, Moskva Qərb ölkələrindən hər hansı birinin Ukraynaya bu cür silahları ötürmək arzusunu diqqətlə izləyəcək”, - Rusiya prezidenti vurğulayıb.
Sahil İsgəndərov
AzVision.az
Express: “Tramp Ukraynaya nüvə silahı verə bilər”
20 Noyabr 2024
Oxunub:205
ABŞ-də prezident seçkilərində qalib gələn Donald Tramp gizli şəkildə Kiyevə nüvə silahı ötürəcəyi istisna deyil.
Teqlər: Tramp Ukrayna nüvəsilahı
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
