CNN: "Kiyevin əks-hücumları Qərbin gözləntilərini doğrultmur"

CNN: "Kiyevin əks-hücumları Qərbin gözləntilərini doğrultmur"
  23 İyun 2023    Oxunub:1674
"Ukraynanın əks-hücum əməliyyatları ilkin mərhələdə elə də uğurlu olmur. Rusiya hərbçiləri Qərb ekspertlərinin gözlədiyindən daha çox bacarıq nümayiş etdirirlər".
Bu fikirlər CNN-də dərc olunan məqalədəndir. Nəşr Qərbdəki yüksək rütbəli hərbi mənbələrə istinad edib.

"Əks-hücum cəbhənin heç bir istiqamətində gözləntiləri doğrultmur", - mənbələrdən biri gileylənib.

Qərbdən olan mütəxəssislərin qiymətləndirmələrinə görə, Rusiyanın cəbhədəki müdafiə xətləri ideal şəkildə möhkəmləndirilib. Belə bir qabaqlayıcı tədbir isə Ukrayna qoşunlarının əks-hücum əməliyyatlarını çətinləşdirir.

Müdafiədən hücuma: Kiyev hara qədər gedə biləcək?
Bundan əlavə, Rusiya hərbçiləri aktiv raket zərbələri və minalarla Kiyevin zirehli texnikalarının qarşısını uğurla alır. Həmçinin Kreml özünüm hava məkanındakı üstünlüyü aviasiya gücündən də daha səmərəli istifadə edir.

Mənbələrdən biri bildirib ki, Ukrayna qüvvələri minalanmış sahələrə qarşı zəiflik, Rusiya hərbçiləri isə əraziləri qorumaqda bacarıq nümayiş etdirir.

Yüksək rütbəli hərbçilər onu da vurğulayıblar ki, əks-hücum əməliyyatları hələ ki, ilkin mərhələdədir. ABŞ və müttəfiqləri isə Ukrayna qüvvələrinin zamanla ərazi uğurları əldə edə biləcəyinə dair nikbindirlər. Onlar müharibədə həlledici hesab edilən əks-hücumun gedişatını daha dolğun qiymətləndirmək üçün ən azı iyul ayına qədər gözləyəcəklər.

Bundan əlavə, məqalədə qeyd edilib ki, artıq Ukrayna qoşunları Rusiyanın taktikasına və müdafiə sisteminə uyğunlaşır. Kiyev piyadalardan istifadə etməklə daha çox əməliyyat keçirir. Son günlər ukraynalılar Rusiya təyyarələrini hədəfdə saxlamaq və vurmaqda daha çox uğur nümayiş etdirirlər.

Tural Tağıyev
AzVision.az



Teqlər:   Ukrayna   Əks-Hücum   Qərb   Rusiya  





Xəbər lenti


Azvision.az ©2014 | Bütün hüquqları qorunur