Çində süni ətin istehsalına başlanılır

13:12 14 Avqust 2023 Oxunub:1097

Dünyanın ən sıx əhalisi olan Çində hökumət ərzaq təhlkükəsizliyinin təminatı üçün yollar axtarır. Artıq bu istiqamətdə işlərə də başlanılıb. Çinli bir startapçı ildə yüzlərlə ton ət istehsal edəcək fabriki artıq Şanxayda tikib. "CellX" startapı çərçivəsində 1,4 milyard insanın ətə olan təlabatının ödənilməsi nəzərdə tutulub.

"CellX"in həmtəsisçisi və baş icraçı direktoru Zilianq Yanqın sözlərinə görə, pilot fabrik geniş miqyaslı istehsaldan əvvəl süni ətin nahar masasına gətirilməsinə bir addım daha yaxındır.

Yang "South China Morning Post"a bildirib ki, pilot layihə nəticəsində əldə edilən məlumatlar 2025-ci ildə tamamlamağı planlaşdırdıqları və ildə yüzlərlə ton məhsul istehsal edəcək müəssisə üçün istifadə olunacaq.

Asiyanın ən böyük ət istehlak edən ölkələrindən biri olan Çin, əhalisini qidalandırmaq və idxaldan asılılığı azaltmaq üçün davamlı heyvani zülal mənbələri tapmağı hədəfləyir. Son hesabata görə, Çində ət istehlakı 1970-ci illərdən bəri əhəmiyyətli dərəcədə artıb və növbəti onillikdə daha da arta bilər.

Keçən il Pekin bioiqtisadiyyat üçün 14-cü beşillik inkişaf planının bir hissəsi kimi sintetik zülalın, o cümlədən laboratoriyada yetişdirilən ətin qida mənbəyi kimi inkişafına dəstəyini ifadə edib.

Süni ət birbaşa heyvan hüceyrələrinin böyüməsi ilə istehsal olunur, bu da heyvanların qida üçün yetişdirilməsi ehtiyacını aradan qaldırır. Sinqapur 2020-ci ilin dekabrında mədəni ətin satışına icazə verən ilk ölkə olub, onu ABŞ izləyir.

AzVision.az

Teqlər: