bildirir ki, sərhəd münaqişəsindən İranın Daxili İşlər naziri Əhməd Vahidi Məclisi “Xane-ye Millət” agentliyinə verdiyi müsahibədə Talibanın hər şeyi başa düşdüyünü, sərhədlərdə sakitlik olduğunu və hərəkətin qurulduğunu deyib.

“Sərhədçilərimiz vəzifələrini yerinə yetirməkdə çox güclü və qətiyyətlidir. Amma elə vaxtlar olur ki, sərhədlər problemlərlə üzləşir, xüsusən də qarşı tərəfin güclü təhlükəsizlik sistemi yoxdursa. İran Əfqanıstan hökmdarlarına xəbərdarlıq edib ki, onlar öz xalqlarına haqq qazandırmalı və onlara qayğı göstərməlidirlər. Bu sərhədlərdən sui-istifadə etməyə çalışan terrorçular bilməlidirlər ki, onların çıxış yolu olmayacaq və etdikləri əməllərə görə cəzalandırılacaqlar”, - Vahidi vurğulayıb.

2021-ci ilin avqustunda Talibanın Əfqanıstana hakimiyyətə qayıdışından sonra taliblərlə İran sərhədçiləri Herat və Nimruz əyalətlərinin sərhəd bölgələrində ən azı beş dəfə toqquşublar. Hirmənd çayının su resursları ətrafında yaşanan gərginlik fonunda Nimruz vilayətində baş verən toqquşma iki iranlı sərhədçinin ölümü, daha iki iranlının yaralanması və Talibanın bir silahlı üzvünün ölümü ilə nəticələnib.

Talibanın müdafiə naziri Məhəmməd Yaqub Mücahid ötən həftə Kabildə “Tolu News” TV-yə müsahibəsində son münaqişədən əvvəl İran sərhədçilərinin dörd gün ərzində artilleriya qurğuları vasitəsi ilə Talibana hücum etdiyini və taliblərin də buna “reaksiya” verməyə məcbur olduqlarını söyləyib.

“Fox News” telekanalı isə son gərginlik zamanı Talibanın sərhədlər boyu 2 minə yaxın kamikadze və 20 min silahlı qüvvə topladığını, amerikalıların Əfqanıstandan çıxarılmasından ölkədə qalan hər cür zirehli və digər texnikadan istifadə edərək özünü İranla potensial münaqişəyə hazırladığını bildirib.

Bu məqam İranın Daxili İşlər naziri Əhməd Vahidi Məclisinin “Taliban hər şeyi başa düşüb” bəyanatı ilə heç də uzlaşmır. Əksinə Tehranın ritorikasının yumşalmasının əsas səbəbini açıb göstərir.