Si Cinpin yenidən Çin Sədri seçilib

Si Cinpin yenidən Çin Sədri seçilib
  10 Mart 2023    Oxunub:840
14-cü çağırış Ümum-Çin Xalq Nümayəndələri Yığıncağının (parlament) birinci sessiyasının nümayəndələri yekdilliklə Si Cinpinin üçüncü beşillik müddətə Çin Sədri seçilməsinin lehinə səs veriblər.
Bu barədə “Xinhua” agentliyi məlumat yayıb.Bu, Si Cinpinin 3-cü müddətə (2023-2028) Sədrlik dövrü olacaq. Si Cinpin Çin kommunist inqilabının lideri Mao Cedondan sonra ölkəyə 3-cü müddətə rəhbər seçilən ilk şəxsdir.

14-cü çağırış Xalq Nümayəndələri Yığıncağının illik sessiyasında Si Cinpin həm də silahlı qüvvələrinin ali idarəetmə orqanı olan Mərkəzi Hərbi Şuranın sədri seçilib. Dövlət Şurası sədrinin hazırki müavini Han Cen isə ÇXR Sədrinin müavini seçilib.

Qeyd edək ki, bütün Çin üzrə 3 minə yaxın nümayəndənin qatıldığı Xalq Nümayəndələri Yığıncağının illik sessiyası martın 5-dən davam edir.

AzVision.az


Teqlər:





Xəbər lenti


Azvision.az ©2014 | Bütün hüquqları qorunur