Rusiya Ukraynada bu silahdan ilk dəfə istifadə etdi - VİDEO

Rusiya Ukraynada bu silahdan ilk dəfə istifadə etdi - VİDEO
  06 Mart 2023    Oxunub:1085
Rusiya Silahlı Qüvvələri Ukraynada yeni nəsil dəqiq idarə olunan silahlardan istifadə edib. AzVision.az xəbər verir ki, bu barədə Rusiya Müdafiə Nazirliyi məlumat yayıb.
Bildirilir ki, Ukrayna Silahlı Qüvvələrinin zirehli texnikasının gizlədildiyi və təmir edildiyi anqara yeni növ döyüş sursatları ilə zərbələr endirilib. Hədəf pilotsuz uçan aparat vasitəsilə aparılan kəşfiyyat zamanı müəyyən edilib.

Rusiya Ukraynanı ilk dəfə hipersəs raketlə vurdu: Yeraltı anbar dağıdılıb
Məlumata görə atış zamanı mərmi binanın tavanını yararaq anqarın içərisində partlayıb. Nəticədə Ukrayna Silahlı Qüvvələrinin obyektdə yerləşdirilmiş zirehli texnikası və ya texnikaları sıradan çıxıb.

Qeyd edək ki, Rusiya ordusu Ukraynada müharibəyə başlayandan indiyə kimi döyüş meydanında yararlanmadığı bir neçə yeni silah və sursatlardan fəal şəkildə istifadə edir.

Məsələn, Rusiya Aerokosmik Qüvvələri yeni UPAB-1500B bombalarından istifadə edir, onların köməyi ilə Avdeyevka ərazisində Ukrayna Silahlı Qüvvələrinin möhkəmləndirilmiş obyektlərini sıradan çıxarır. Bu bombalar yüksək mühafizə olunan obyektləri, o cümlədən yeraltı bunkerləri məhv etmək üçün nəzərdə tutulub.

Tural Tağıyev
AzVision.az



Teqlər:   Rusiya   Ukrayna  





Xəbər lenti


Azvision.az ©2014 | Bütün hüquqları qorunur