“G7” sammitinin iştirakçıları Rusiyanın nüvə təhdidlərinə qarşı

“G7” sammitinin iştirakçıları Rusiyanın nüvə təhdidlərinə qarşı
  27 Fevral 2023    Oxunub:709
“Qarşıdan gələn “G7”nin Xirosimada keçiriləcək sammitinin iştirakçıları Rusiyanın nüvə silahından istifadə etməsinin təhdidləri və ehtimallarına qarşı çıxış etməlidirlər”.
Bunu Yaponiyanın baş naziri Fumio Kisida ölkə parlamentində debat zamanı bildirib. “G7-nin Xirosimada keçirilən sammitində biz status-kvonu güc yolu ilə dəyişdirmək üçün birtərəfli cəhdlərə, eləcə də Rusiyanın nüvə silahından istifadə təhlükəsi və ehtimalına qarşı qəti şəkildə çıxış etməliyik”- o, bildirib.

O əlavə edib ki, beynəlxalq ictimaiyyəti “G7”nin qanunun aliliyinə əsaslanan dünya nizamını müdafiə etmək istəyini nümayiş etdirməyi səbirsizliklə gözləyir. Bundan əvvəl Böyük Britaniya, Almaniya, İtaliya, Kanada, ABŞ, Fransa və Yaponiya arasında onlayn danışıqların nəticələrinə dair birgə bəyanatdan məlum olub ki, “G7” dövlət başçıları Rusiyaya qarşı sanksiyaları gücləndirmək niyyətindədirlər.

İlkin Nəcəfzadə
AzVision.az


Teqlər:





Xəbər lenti