Sumqayıtda ağac kəsən obyekt sahibi cəzalandırıldı

  13 Avqust 2020    Oxunub : 1589
Sumqayıtda ağac kəsən obyekt sahibi cəzalandırıldı
Dövlət Ekoloji Təhlükəsizlik Xidmətinin əməkdaşları tərəfindən Sumqayıt şəhəri, 13-cü mikrorayonda 3 sərv ağacının kəsildiyi müəyyən edilib.
Azvision.az xəbər verir ki, bunu Xidmətin rəis müavini Ramal Bağırov bildirib.

Onun sözlərinə görə, araşdırma zamanı ağacların obyekt tikintisi məqsədilə Sumqayıt şəhər sakini Arif Nadirov tərəfindən kəsildiyi və təbiətə 2040 manat məbləğində ziyan dəydiyi məlum olub. Faktla bağlı akt tərtib edilib.

“Dəymiş ziyanın məbləği cinayət tərkibi yaratdığından məsələyə hüquqi qiymət verilməsi və təqsirkar barəsində qanunamüvafiq tədbirlərin görülməsi üçün toplanmış sənədlər Sumqayıt şəhər Prokurorluğuna göndərilib”.

Azvision.az

Teqlər: Sumqayıt   Ağac