Ermənistan MTN maşınlarını satır

  02 İyul 2013    Oxunub : 533
Ermənistan MTN maşınlarını satır
Satışa çıxarılan maşınların hamısı Rusiya istehsalıdır
Ermənistan Milli Təhlükəsizlik Nazirliyi (MTN) 49 avtomobilini satışa çıxarır. Ermənistanın News.am saytının məlumatına görə, layihə dövlət büdcəsi idarəsi tərəfindən hazırlanıb və hökumətin iyulun 4-də keçiriləcək toplantısının gündəliyinə salınıb.

Maşınların hamısı Rusiya istehsalıdır: “QAZ”, “VAZ”, “UAZ”, “KAMAZ” və “PAZ”. Onların çoxu 1999 - 2002-ci illərin istehsalıdır. Avtomobillər klassik hərrac yolu ilə satılacaq. Hazırda Ermənistanda “QAZ” və “VAZ”-ın orta hesabla qiyməti 1,9- 2 milyon dram (bir dram 410 dollardır), 5 min manata yaxındır, “UAZ” 3,5 – 4 milyon dram, 10 min manat, “KAMAZ” isə 3, 3 milyon dramdır.

Hərraca cıxarılacaq avtomobillərin ümumilikdə qiyməti 125,5 milyon dramdır.

AzVision.az

Teqlər: