Bu barədə Fransanın TF-1 televiziyasında çıxışı zamanı Baş nazir Manuel Vals məlumat verib. “Hücum haqqında qərarı prezident Baş nazir və daxili işlər naziri ilə birgə qəbul edib” – deyə Manuel Vals bildirib.
Hökumətin başçısı deyib ki, Fransa terrorizmin görünməmiş səviyyəsi ilə qarşılaşıb və ölkəyə qarşı yeni hücumların mümkünlüyünü istisna etmək olmaz. “Fransa terrorizmə qarşı əsl müharibə aparır və bu, ölkə qanunlarına ciddi əməl olunmaqla həyata keçirilir” – Baş nazir əlavə edib.
Bundan bir qədər əvvəl Fransa prezidenti Fransua Olland xalqa xüsusi müraciətində Parisdə insanların girov götürülməsi nəticəsində dörd nəfərin həlak olduğunu təsdiqləyib. O qeyd edib ki, hədəf təsadüfən seçilməyib və “bu, antisemitizm aktıdır”. Prezident, həmçinin fransızları bazar günü keçiriləcək respublika yürüşündə iştirak etməyə səsləyərək deyib: ”Mən orada olacağam”.
Qeyd edək ki, Fransa xüsusi xidmət orqanlarının yanvarın 9-da keçirdikləri əməliyyatlar zamanı "Charlie Hebdo" satirik jurnalının redaksiyasına hücum zamanı 12 nəfəri qәtlә yetirmәkdә şübhәli bilinәn Sәid vә Şәrif Kuaşi qardaşları, habelə Parisdəki әrzaq mağazasında insanları girov götürən IŞID terror tәşkilatınin üzvü Amedi Kulibali öldürülüb.
Terrorçular Ollandın əmri ilə öldürülüb
10 Yanvar 2015
Oxunub:1844
Terrorçuların yerləşdikləri binalara hücum barədə qərar Fransa prezidenti Fransua Olland tərəfindən qəbul olunub.
Teqlər:
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
