Ən gənc nazirimiz - Mikayıl Cabbarov

Ən gənc nazirimiz - Mikayıl Cabbarov
  19 Aprel 2013    Oxunub:1263
Mikayıl Cabbarov Nyu-York şəhərinin vəkillər kollegiyasının üzvüdür.
AzVision.az-ın məlumatına görə, bu gün təhsil naziri təyin olunan Mikayıl Çingiz oğlu Cabbarov 1976-cı il sentyabrın 19-da Bakı şəhərində anadan olub. Bakı Dövlət Universitetinin beynəlxalq hüquq fakültəsini bitirib. ABŞ-da Sakramento şəhərində hüquq məktəbində, daha sonra Azərbaycan Dövlət İqtisadiyyat Universitetində iqtisadiyyat üzrə magistr dərəcəsi alıb. Nyu-York şəhərinin vəkillər kollegiyasının üzvüdür. İlk əmək fəaliyyətinə 1995-ci ildə bank sektorunda başlayıb, 1999-2002-ci illərdə isə özəl sektorda hüquqşünas kimi işləyib. 2002-2003-cü illərdə İqtisadi İnkişaf nazirliyində məsləhətçi, 2003-2004-də Azərbaycanda İxracın və İnvestisiyaların Təşviqi Fondunun prezidenti vəzifələrində çalışıb.

Mikayıl Cabbarov 2004-cü il fevralın 20-də Azərbaycan iqtisadi inkişaf nazirinin müavini təyin olunub. 2009-cu ilin martın 6-dan isə İçəri Şəhər Qoruğunun direktoru kimi fəaliyyət göstərib. Bu gün ölkə prezidenti İlham Əliyevin imzaladığı sərəncama əsasən Mikayıl Cabbarov Azərbaycanın Təhsil naziri təyin olunub.

Ailəlidir, iki uşağı var.


Teqlər:  





Xəbər lenti