Müvafiq qanun layihəsi Ali Radada qeydə alınıb. Ukrayna mediası, xüsusən də UNIAN agentliyi artıq bu sənədi özəl hərbi şirkətlərin leqallaşdırılması ilə bağlı qanun layihəsi adlandırıb. Çoxlu sayda şəxsi heyətin - hərbçilərin və digər hüquq-mühafizə orqanlarının əməkdaşlarının tərxis olunmasından sonra Ukraynada uçota alınmamış silah və sursatların olması nəzərə alınmaqla, geniş spektrli mənfi nəticələr riskinin yaranacağı proqnozlaşdırılır.

Sənədin müəllifləri bununla bağlı problemləri, o cümlədən ödənişlərin azalması səbəbindən depressiya əhval-ruhiyyəsini, iş tapmaqda çətinlikləri, dövlətdə dağıdıcı siyasi proseslərin mövcudluğunu və digər mənfi tendensiyaları qeyd edirlər. Müəlliflər vurğulayırlar ki, bu gün beynəlxalq müdafiə şirkətlərinin Ukraynada fəaliyyət göstərməsinə icazə verməklə bu amillərin törədə biləcəyi riskləri azaltmağa təcili ehtiyac var.

Ehtimal olunur ki, hərbi qulluqçuların müəyyən hissəsi mülki həyata uyğunlaşmayacaq və dövlət hər zaman çoxlu sayda hərbi qulluqçuya operativ və tez yüksək keyfiyyətli psixoloji yardım göstərə bilməyəcək. Müdafiə şirkətlərində işləmək ordunun dinc həyat tərzinə keçməsinə qatqı təmin edəcək.

Həmçinin qeyd olunub ki, müdafiə şirkətləri xaricdə fəaliyyət göstərə bilər, lakin Ukrayna büdcəsinə vergi ödəyəcək. Göstərilən xidmətlərə aşağıdakılar daxildir: təlim, taktiki təlim, kəşfiyyat, müşayiət, fiziki və hüquqi şəxslərin təhlükəsizliyinin təmin edilməsi, əmlakın mühafizəsi və digər tapşırıqların yerinə yetirilməsi.

Qanun layihəsi hazırlanarkən özəl hərbi şirkətlərin işinin həyata keçirilməsində ABŞ və digər ölkələrin təcrübəsi nəzərə alınıb.

İlkin Nəcəfzadə
AzVision.az