Həbsdə olan Tonoyan qohumları və ailəsinə qadağa qoyub

Həbsdə olan Tonoyan qohumları və ailəsinə qadağa qoyub
  10 Mart 2023    Oxunub:832
Ermənistanın keçmiş müdafiə naziri, hərbi cani David Tonoyan növbəti dəfə yerli medianın diqqət mərkəzinə düşüb.
AzVision.az xəbər verir ki, "Joğovurd" nəşri xalq arasında “KQB zirzəmisi” kimi tanınan “Yerevan-Kentron” cəzaçəkmə müəssisəsində yatan Tonoyanın qohumlarına ona baş çəkməyə icazə vermədiyini yazıb.

"Tonoyan işi" uzanır: "KQB zirzəmisi"ndə olan Qalstyanın səhhəti pisləşib
"Bundan əvvəl Tonoyanın nəinki qohumları, ümumiyyətlə dostları ilə də görüşünə qadağa qoyulmuşdu. İndi bu məhdudiyyət yumşalıb və təkcə ona ən yaxın insanlar müəssisəyə gələ bilərlər. Lakin maraqlıdır ki, eks-nazir yaradılan bu şəraitdən, imkandan imtina edib", - qəzet yazıb.

Xatırladaq ki, Ermənistanın keçmiş müdafiə naziri David Tonoyan ordunun sursat təchizatında sui-istifadədə ittiham olunur. Bu işdə Silahlı Qüvvələrin Baş Qərargahının keçmiş rəisi Artak Davtyan, Silahlı Qüvvələrin Baş Qərargah rəisinin keçmiş müavini Stepan Qalstyan, Müdafiə Nazirliyinin aviasiya idarəsinin keçmiş rəisi Avetik Muradyan, Müdafiə Nazirliyinin aviasiya idarəsinin texniki mülkiyyət xidmətinin rəhbəri Artem Ambaryan, aviasiya idarəsinin baş mühəndisi Vladimir Babayan və silah-sursat sövdələşmələrində iştirak edmiş biznesmen David Qalstyan da ittiham olunurlar. İstintaq onları yararsız təyyarə raketlərinin alınmasında iştirakda və 4,6 milyon dolları mənimsəməkdə ittiham edir. Onlar təqsirlərini etiraf etmirlər.

Tural Tağıyev
AzVision.az



Teqlər:   Ermənistan  





Xəbər lenti


Azvision.az ©2014 | Bütün hüquqları qorunur