Ermənistandan İrana 3,2 milyardlıq yol çəkiləcək
![Ermənistandan İrana 3,2 milyardlıq yol çəkiləcək Ermənistandan İrana 3,2 milyardlıq yol çəkiləcək](https://azvision.az/photos/ZZytBoflGTM.jpg)
Layihələndirmə işlərini həyata keçirən “Rasia FZE” investisiya şirkətinin rəhbərlərindən Cozef Borkovski proektin texniki-iqtisadi əsaslarını baş nazir Tiqran Sarksiyana təqdim edib. Nəzərdə tutulur ki, 300 kilometr uzunluğa malik olacaq Ermənistan-İran dəmiryolu xətti körpülərdən, 60 tuneldən və 27 stansiyadan ibarət olacaq.
Ümumi dəyəri 3,2 milyard dollar dəyərləndirilən layihənin 60%-ni “Rasia FZE” şirkəti öz üzərinə götürəcək. Sənədlərə əsasən tikinti işləri 2016-cı ildə başlayacaq və 2022-ci ildə yekunlaşacaq.
Tiqran Sarksiyanın sözlərinə görə, proyektin reallaşması üçün Yol xəritəsi planı hazırlanmalıdır.
Vüqar İsmayılov