Milli valyutadakı əmanətlər 23,7 faiz artıb

Milli valyutadakı əmanətlər 23,7 faiz artıb
  20 Aprel 2020    Oxunub:2375
Mərkəzi Bankın məlumatına görə, martın 1-nə əhalinin banklardakı əmanətlərinin milli valyuta ekvivalentində məbləği əvvəlki ilin eyni dövrü ilə müqayisədə 5,8 faiz artaraq 8 milyard 694,4 milyon manat təşkil edib.
Dövlət Statistika Komitəsindən Azvision.az -a bildirilib ki, əmanətlərin 52,6 faizi xarici, 47,4 faizi isə milli valyutada qoyulub. Milli valyutada olan əmanətlər ötən ilin müvafiq dövrünə nisbətən 23,7 faiz artıb, xarici valyutada əmanətlər isə 6,4 faiz azalıb.

Mart ayında milli valyutanın 1 ABŞ dollarına nisbətdə orta məzənnəsi 1,70 (ilin əvvəlindən 1,70) manata, 1 avroya 1,88 (1,88) manata, 100 rus rubluna 2,29 (2,56) manata bərabər olub.

Azvision.az


Teqlər: Manat   Valyuta   Statistika  





Xəbər lenti