Bakıda kirayə mənzillərin qiyməti bahalaşıb

  02 Mart 2020    Oxunub : 1366
 Bakıda kirayə mənzillərin qiyməti bahalaşıb
Yanvar ayı ərzində Bakıda kirayə mənzillərin qiyməti bahalaşıb.
Azvision.az xəbər verir ki, bu barədə Trend-ə "MBA Group" konsaltinq şirkətinin baş direktoru, daşınmaz əmlak sahəsində ekspert Nüsrət İbrahimov deyib.

N.İbrahimov bildirib ki, ay ərzində Bakıda kirayə mənzil bazarında qiymət 5.62 faiz artıb, ötən ilin müvafiq dövrü ilə müqaysədə isə artım 14.35 faiz təşkil edib:

"Ticarət obyektlərinin icarəsində isə ay ərzində 5.15 faiz azalma, il ərzində isə 4.8 artım müşahidə olunub. Kirayə mənzillərin qiymətinin artması ölkəyə turist axını ilə bağlı olub. Yanvar ayı ərzində bayramla əlaqədar ölkəyə çoxlu sayda turist gəldiyi üçün qiymət artımı müşahidə edilib".

Ekspert əlavə edib ki, növbəti aylarda kirayə mənzil bazarında qiymətlərin aşağı düşəcəyi gözlənilir.

Azvision.az

Teqlər: Mənzil