Güclü külək 4 kəndin sakinlərini qazsız qoydu

Güclü külək 4 kəndin sakinlərini qazsız qoydu
  28 Fevral 2020    Oxunub:2248
Fevralın 28-də gecə saatlarında əsən güclü külək qaz təsərrüfatına da fəsadsız ötüşməyib.
“Azəriqaz” İstehsalat Birliyindən Azvision.az -a verilən məlumata görə, Oğuz rayonunun Bucaq, Calut, Muxas, Bayan kəndlərini qazla təmin edən 159 millimetr diametrində olan orta təzyiqli qaz xətti aşan irigövdəli ağacın altında qalıb. Nəticədə kəmərə ciddi zərər dəyib. Kəmərin zədələnmiş hissəsinin təmiri ilə bağlı təhlükəsizlik tədbiri olaraq 4 kəndin minə yaxın abonentinin qaz təchizatı müvəqqəti olaraq dayandırılıb.

Eyni zamanda, Binəqədi rayonu Binəqədi kəndində Ə.Qarayev küçəsində isə vətəndaşa məxsus hasarın aşması nəticəsində 25 millimetr və 20 millimetr diametrində olan qaz xətləri qırılıb, bir ədəd qaz sayğacı yararsız hala düşüb. “Azəriqaz” İstehsalat Birliyinin qəza xidmətinin əməkdaşları hər iki halda fəsadların tezliklə aradan qaldırılmasına çalışır.

Azvision.az



Teqlər: Azəriqaz  





Xəbər lenti