Şamaxıda mənzildə baş verən partlayış nəticəsində 5 nəfərin ağır xəsarət almaıb. Şamaxı Rayon Dövlət Yanğından Mühafizə Hissəsindən verilən məlumata görə, hadisə bu gün səhər saatlarında Şamaxının Mədrəsə qəsəbəsində qeydə alınıb.
1951-ci il təvəllüdlü Şakirov Kamal Ələddin oğluna məxsus ümumi sahəsi 280 kvadratmetr olan iki mərtəbəli evdə qaz sızması səbəbindən güclü partlayış baş verib. Hadisə zamanı Kamal Şakirov və həyat yoldaşı, 1951-ci il təvəllüdlü Şakirova Məhburə Şahzadə qızı, qardaşı 1962-ci il təvəllüdlü Şakirov Zakir Ələddin oğlu, onun həyat yoldaşı, 1963-cü il təvəllüdlü Şakirova Nəzirə Mirəz qızı və nəvəsi 2011-ci il təvəllüdlü Şakirova Rumaysə Mustafa qızı müxtəlif dərəcəli yanıq xəsarətləri və ağır kəllə beyin travması, sınıq xəsarətləri ilə Şamaxı Mərkəzi rayon Xəstəxanasına yerləşdirilib.
APA-nın məlumatına görə, səhər saatlarında namaz qılmaq üçün ayağa qalxan ev sakinləri qaz sızmasından xəbərsiz olublar və işığı yandırarkən partlayış baş verib. Faktla bağlı araşdırma aparılır.
Namaza durdular, ev partladı
20 Fevral 2013
Oxunub:1769
Qaz sızmasından xəbərsiz olan ailənin evdə işığı yandırması partlayışa səbəb olub.
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
