AzVision.az-ın məlumatına görə, bu çəkilərdən yalnız birində (qadınlar, +78 kq) Azərbaycan təmsilçisi çıxış etməyəcək.

Bu gün 5 cüdoçumuz tatamiyə çıxacaq. Bir çəki dərəcəsində Azərbaycan iki idmançı ilə təmsil olunacaq.

Kişilər

90 kq

İlk mərhələdən azad olan Ramin Qurbanov mübarizəyə 1/16 finaldan qoşulacaq. Qurbanov, portuqaliyalı Çelio Diasla qarşılaşacaq.

100 kq

Bu çəkidə Azərbaycanın iki güclü cüdoçusu çıxış edəcək. Öncə mübarizəyə Elxan Məmmədov qoşulacaq. Dünya çempionumuz 1/16 finalda rəqibi Zlatko Kumriç (Xorvatiya) olacaq.

Bayraqdarımız Elmar Qasımov 1/8 finalda Jorje Fonseka (Portuqaliya) – Qriqori Minaşkin (Estoniya) cütünün qalibi ilə üz-üzə gələcək.

+100 kq

Bu çəkidə ölkəmizi təmsil edəcək Uşanqi Kokauri 1/16 finalda Matyaz Çerayla (Sloveniya) qarşılaşacaq.

Qadınlar

78 kq

Qadınların yarışında mübarizə aparacaq Günel Həsənli 1/16 finalda Assunta Qaleone (İtaliya) ilə münasibətlərinə aydınlıq gətirəcək.

***
+100 kq çəkidə ölkəmizi təmsil edəcək Uşanqi Kokauri 1/16 finalda Matyaz Çerayla (Sloveniya) qarşılaşıb. Bu görüşdə ölkəmizi təmsile dən Uşanqi Kakauri ipponla qәlәbә qazanıb.

***
100 kq çəki dərəcəsində cüdoçumuz Elxan Məmmədov xorvatiyalı Zlatko Kumriçi ipponla məğlub edərək 1/8 finala çıxıb. Elxan Məmmədov 1/8 finalda çexiyalı Lukaş Krpaleklə qarşılaşacaq.

***
Qadınların yarışında mübarizə aparan Günel Həsənli 1/16 finalda Assunta Qaleone (İtaliya) ilə qarşılaşacaq. 78 kq-da mübarizə aparan qadın cüdoçumuz Günel Həsənli ipponla məğlub olub.

***
Ramin Qurbanov mübarizəyə 1/16 finaldan qoşulub. Qurbanov, portuqaliyalı Çelio Diasla qarşılaşıb. Cüdoçumuz ipponla qələbə qazandı.

***
Cüdoçumuz Uşanqi Kakauri gürcüstanlı Levani Matiaşvili ilə qarşılaşıb. O, rəqibinə ipponla uduzub.

***
Elxan Məmmədov 1/8 finalda çexiyalı Lukaş Krpaleklə qarşılaşıb. O, ipponla rəqibinə uduzub.
***
Bayraqdarımız Elmar Qasımov 1/8 finalda Jorje Fonseka (Portuqaliya) ilə qarşılaşıb. Cüdoçumuz ipponla məğlub olub.

***
90 kq çəki dərəcəsindəki Ramin Qurbanov 1/8 finalda macarıstanlı Kristian Tota şido (cərimə) xalı ilə uduzub.

Qeyd edək ki, cüdo yığmamızın aktivində 1 gümüş medal var. 60 kq çəki dərəcəsində Orxan Səfərov yalnız finalda məğlub olub.

AzVision.az