Ölkənin siyasi partiyaları parlament seçkilərində iştirak etmək üçün namizədlərin qeydiyyatı proseduruna sentyabrın 30-dan başlaya bilərlər. Moldova Mərkəzi Seçki Komissiyasının rəhbəri Yuri Çokan bunu sentyabrın 12-də təşkil edilmiş onlayn verilişdə bəyan edib.
“Qeydiyyat proseduru seçkilərə 30 gün qalmış başa çatacaqdır”, - deyən Y.Çokan bildirib ki, Ədliyyə Nazirliyində qeydiyyata alınmamış siyasi qüvvələr seçki kampaniyasında iştirak edə bilməyəcəklər.
Hazırkı parlamentin deputatları tərəfindən ölkənin Seçki Məcəlləsinə daxil edilmiş dəyişikliklərə əsasən, seçki həddi artırılaraq 6 faizə çatdırılıb. Müstəqil namizədlər Moldovanın qanunvericilik orqanına seçilmək üçün azı 2 faiz, seçki blokları isə həmin birliyə daxil olan partiyaların sayından asılı olaraq ən azı 9-11 faiz səs toplamalıdırlar. (AzərTAc)
Parlament seçkilərinə hazırlıq gedir
13 Sentyabr 2014
Oxunub:1083
Noyabrın 30-da Moldovada parlament seçkiləri keçirilməsi planlaşdırılır.
Teqlər:
Vaxtında, Aydın, Lazımlı!
-1726935687.jpg&h=190&w=280&zc=1&q=100)
