AYB-nin mətbuat xidmətinin rəhbəri, “Ən yaxşı şeir” müsabiqəsinin təşkilatçısı Xəyal Rza bu məsələyə aydınlıq gətirib.

AzVision.az-a açıqlamasında X.Rza bidirib ki, müsabiqənin nəticələrinin gecikməsinin əsas səbəblərindən biri müsabiqədə gözləniləndən çox yazarın iştirak etməsidir:

“Müsabiqədə təxminən 200-ə qədər yazar iştirak edir. Həm yay fəslinin olması, həm də iştirakçıların çoxluğununa görə, müsabiqənin yekunlaşma vaxtı uzandı. Həmçinin, müsabiqədə iştirak edən hər bir yazarın şeirləri sayta yerləşdirildiyinə görə, bunun özü də zaman alır. Çünki biz, müsabiqədə iştirak edən hər bir yazarın təbliğatının da aparılmasını istəyirik”.

X.Rza müsabiqənin nəticələrinin noyabr ayında açıqlanacağını bildirib: “Bu müsabiqəni tək AYB deyil, “Nəşriyyat və Poliqrafiyaçılar” birliyi ilə birgə keçiririk. Onların rəhbərliyinin də həmin vaxt burada olacağını və sadaladığım səbəbləri nəzərə alaraq müsabiqənin nəticələri noyabr ayında açıqlanacaq “.

“Səməd Behrəngi” adına təsis edilmiş müsabiqənin təşkilatçısı, AYB-nin Güney Azərbaycan bölməsinin sədri Sayman Aruz nəticələrin sentyabr ayında açıqlanacağını bildirib: “Müsabiqəyə göndərilən əsərlərin ilkin qiymətləndirmə mərhələsi başa çatıb.Yekun nəticələri əldə etmək üçün ikinci mərhələyə start verilib. Ümid edirik ki, sentyabrın sonuna qədər qaliblərin adı bilinəcək”.

Emin