AzVision.az xəbər verir ki, ekspertlərin mövqeyinə əsaslanan “Euractiv” portalı belə ehtimal irəli sürüb.
Mütəxəssislərin fikrincə, Donald Trampın proteksionist tədbirləri və ümumi vəziyyətin qeyri-sabitliyi qlobal iqtisadiyyatda köklü dəyişikliklərə səbəb ola bilər ki, bu da öz növbəsində “Aİ-ABŞ münasibətlərinin xarakterini dəyişdirə”, çoxqütblülük meylini sürətləndirə və “ABŞ dollarının hegemonluğuna son qoya bilər”.
Avropa Universiteti İnstitutunun professoru Sonya Kapur yeni tariflərin uzunmüddətli perspektivdə “Amerika əsrinin sonundan xəbər verən sistemdə böyük dəyişikliyi göstərdiyini deyib.
“İstənilən ağlabatan şirkət, şəxs, ölkə və ya birlik öz maraqlarını qorumaq, iqtisadi, maliyyə və təhlükəsiz əlaqələri şaxələndirmək barədə düşünməlidir. Tariflər avrozonada tənəzzül ehtimalını artırır, lakin bunun Avropa iqtisadiyyatına öldürücü zərbəsi olmayacaq”, - portala açıqlamasında professor vurğulayıb.
Portalın həmsöhbətləri həmçinin qeyd ediblər ki, investorların Trampın siyasətinin gözlənilməzliyi ilə bağlı narahatlıqları ABŞ dollarının dünya ehtiyat valyutası statusunu itirməsinə səbəb ola bilər.
- Qlobal maliyyə sistemində dolların hökmranlığını şərtləndirən bir sıra amillər var ki, bunlar arasında qanunun aliliyi və tənzimlənmənin proqnozlaşdırıla bilməsi də mövcuddur. Bu amillərin administrasiya tərəfindən nə dərəcədə dağıtması təbii ki, dolların uzunmüddətli hegemonluğu üçün risklər yaradır”, - “Eurasia Group” analitik mərkəzinin eksperti Müctəba Rəhman vurğulayıb.
Onun fikrincə, Ağ Evin yeni administrasiyasının siyasəti “yeni tarazlığa doğru irəliləyən” Aİ-ABŞ münasibətlərinə ciddi ziyan vurub və Trampın hakimiyyətə gəlməsindən sonra NATO artıq əvvəlki kimi olmayacaq.
Sahil İsgəndərov
AzVision.az
Euractiv: “Tramp dünya nizamını dəyişir”
04 Aprel 2025
Oxunub:304
Donald Trampın administrasiyası tərəfindən idxal olunan mallara yeni tariflərin tətbiqi ABŞ dollarının mövqeyini sarsıda və “Amerika əsrinə” xitam verə bilər.
Vaxtında, Aydın, Lazımlı!
-1743790748.jpg&h=190&w=280&zc=1&q=100)
-1743590200.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
