Londonda "Hizbullah" tərəfdarları yaxalanıblar

   Londonda "Hizbullah" tərəfdarları yaxalanıblar
  03 Aprel 2025    Oxunub:452
Britaniyada London Polis İdarəsinin Terrorla Mübarizə Komandanlığı Livan "Hizbullah"ı ilə əlaqədə şübhəli bilinən iki nəfəri saxlayıb.
"Reuters" xəbər agentliyi yazır ki, saxlanılan şəxslərə qarşı həm Britaniya daxilində, həm də xaricdə həyata keçirilmiş cinayət fəaliyyətləri üzrə ittihamlar irəli sürülüb.

Məlumata görə, şübhəlilərdən biri - 39 yaşlı şəxs paytaxt Londonun şimalında ələ keçirilib. O, terror aktları hazırlamaqda, terrorizmin maliyyələşdirilməsində günahlandırılır. Şəhərin qərbində tutulan 35 yaşlı ikinci şəxs də oxşar cinayətlərdə təqsirli bilinir.
"Hizbullah" Livanı hərəkətə keçməyə çağırır

Terrorla Mübarizə Komandanlığının rəhbəri Dominik Mörf mətbuata açıqlamasında deyib ki, hazırda bu məsələ ilə əlaqədar ciddi surətdə təhqiqat aparılır, qabaqlayıcı tədbirlər görülür.

Məlumat üçün diqqətə çatdıraq ki, "Hizbullah" qruplaşması 2019-cu ildən bəri Britaniya hökuməti tərəfindən terror təşkilatı sayılır.

Firudin Həmidli
AzVision.az


Teqlər:   Britaniya   Hizbullah   həbs  





Xəbər lenti