Paşinyan hamilə nazirinə əvəz axtarır

Paşinyan hamilə nazirinə əvəz axtarır
  02 Aprel 2025    Oxunub:608
Ermənistanın daxili işlər naziri Arpin Sarkisyan tezliklə DİN-ə nəzarət edə bilməyəcək.
AzVision.az xəbər verir ki, bu barədə yerli media məlumat yayıb. Jurnalistlər nazirin ən azı iki ay DİN-in binasına daxil ola bilməyəcəyi ilə bağlı ilginc səbəb tapıblar. “Joğovurd” qəzeti yazıb ki, Arpin Sarkisyan hazırda hamiləliyinin son aylarını yaşayır.

İrəvanda "DİN davası" - SOROS-un əsas agenti niyə vuruldu?
Nəşrin məlumatına görə, uzun müddətdir evli olan nazir ilk övladını gözləyir.

"Sarkisyan tezliklə analıq məzuniyyətinə getməli olacaq. Məhz bu səbəbdən baş nazir Nikol Paşinyan ona əvəz axtarmalı olacaq.
Yada salaq ki, Arpin Sarkisyan 2024-cü ilin noyabrında Vahe Qazaryanın istefasından sonra Ermənistanın daxili işlər naziri təyin edilib. Bundan əvvəl o, daxili işlər nazirinin müavini vəzifəsində çalışıb", müəllif yazıb.

Yeri gəlmişkən, yeni nazir Arpine Sarkisyan Qərblə sıx əlaqələri, qərbyönlü siyasəti ilə tanınır . O, həmçinin ABŞ-nin Ermənistandakı səfirliyi ilə aktiv şəkildə əlaqələr qurur. Arpine Sarkisyan DİN rəhbərinin müavini çalışıb. O, bu vəzifəyə təyin olunmasından sonra onun Vahe Qazaryanı əvəzləyəcəyi barədə yazılırdı. Mətbuatda yer alan məlumatlara görə, Qərbdə məhz qadın fiqura arxalanırlarmış. Onlar Ermənistanın hüquq-mühafizə sistemini fəal şəkildə maliyyələşdirir və müəyyən islahat məsləhətləri veriblər.
Tural Tağıyev
AzVision.az



Teqlər:   Paşinyan   DİN  





Xəbər lenti


Azvision.az ©2014 | Bütün hüquqları qorunur