Səudiyyə Ərəbistanının xarici işlər naziri İrana gəlir - KİV

Səudiyyə Ərəbistanının xarici işlər naziri İrana gəlir - KİV
  15 İyun 2023    Oxunub:820
Səudiyyə Ərəbistanının xarici işlər naziri Feysel Bin Ferhan iyunun 17-də İrana səfər edəcək və ölkə rəsmiləri ilə görüşəcək.
AzVision.az xəbər verir ki, bu barədə İranın yarı rəsmi Tesnim Xəbər Agentliyi məlumat yayıb.

2016-cı ildə Bin Ferhanın səfəri zamanı bağlanan Səudiyyə Ərəbistanının Tehrandakı səfirliyinin yenidən fəaliyyətə başlaması gözlənilir.

İki ölkə arasında diplomatik əlaqələr 2016-cı ilin yanvarında Səudiyyə Ərəbistanında şiə din xadimi Nimr ən-Nimr də daxil olmaqla 47 nəfərin “terrorçuluq” ittihamı ilə edam edilməsindən sonra yaranan gərginlik zamanı kəsilib.

2021-ci ildə İraq və Omanın ev sahibliyi ilə danışıqlara başlayan Ər-Riyad və Tehran martın 10-da Pekində Çin rəsmiləri vasitəsilə iki ay ərzində diplomatik əlaqələrin bərpası barədə razılığa gəliblər.

İranın xarici işlər naziri Hüseyn Əmir Abdullahiyan səudiyyəli həmkarı Feysəl bin Ferhanla aprelin 6-da Pekində görüşüb. Onlar iki ölkənin səfirliklərinin açılması, uçuşların bərpası və vizaların sadələşdirilməsi barədə razılığa gəliblər.

İran xarici işlər nazirinin müavini Əli Rza Enayetin mayın 23-də Ər-Riyad səfiri təyin edildiyini, İranın Ər-Riyaddakı səfirliyinin iyunun 6-da, Ciddə konsulluğunun isə iyunun 8-də yenidən fəaliyyətə başladığını açıqlayıb.

AzVision.az


Teqlər:





Xəbər lenti


Azvision.az ©2014 | Bütün hüquqları qorunur