Kalın: “Dünya Rusiya ilə Ukrayna arasında danışıqlar aparmaq istəmir”

Kalın: “Dünya Rusiya ilə Ukrayna arasında danışıqlar aparmaq istəmir”
  14 Yanvar 2023    Oxunub:1117
“Çox təəssüfləndirici haldır ki, dünya ictimaiyyətində Rusiya Federasiyası ilə Ukrayna arasında ciddi danışıqların aparılması üçün şərait yaratmaq üçün kifayət qədər istək yoxdur”.
AzVision.az xəbər verir ki, bunu Türkiyə Prezidenti Rəcəb Tayyib Ərdoğanın sözçüsü İbrahim Kalın jurnalistlərə açıqlamasında deyib.

Ankara rəsmisi hesab edir ki, bu, əsas oyunçu olan Qərb ölkələri, xüsusilə də ABŞ böyük geosiyasi məsələ kontekstində ciddi addımlar atacağı halda mümkün ola bilər.

İ.Kalın qeyd edib ki, Rusiyanın iştirakı olmadan Ukrayna ilə sülh danışıqlarına getmək uğursuz cəhddir. Onun sözlərinə görə, münaqişə uzansa da, hər iki tərəf böyük itkilər verdikdən sonra nəhayət danışıqlar masasına əyləşməyə məcbur olacaq.

Türkiyə rəsmisinin fikrincə, Rusiya Ukraynanın NATO-ya daxil olmayacağına dair dəqiq təminat aldıqdan sonra Ukraynaya hücum etməmək zəmanəti yaranacaq.

İ.Kalın əlavə edib ki, Ukrayna Prezidenti Volodimir Zelenskinin sülh planına düzgün yanaşılarsa, Rusiya üçün də uyğun ola biləcək müddəalar ehtiva olunur.

AzVision.az



Teqlər: Kalın   Ukrayna  





Xəbər lenti


Azvision.az ©2014 | Bütün hüquqları qorunur