Elmar Məmmədyarov həmkarı ilə görüşdü

Elmar Məmmədyarov həmkarı ilə görüşdü
  09 Aprel 2013    Oxunub:1312
Xarici işlər naziri Elmar Məmmədyarov Bakıda keçirilən Dünya İqtisadi Forumunda iştirak edən Monqolustanlı həmkarını qəbul edib.
Nazirliyin mətbuat xidmətindən AzVision.az-a verilən məlumata görə, Elmar Məmmədyarov monqolustanlı həmkarı Luvsanvandan Boldu salamlayıb və iki ölkə arasında mövcud münasibətlərin səviyyəsindən məmnunluq bildirib.

İkitərəfli münasibətlərin daha da inkişaf etdirilməsi üçün qarşılıqlı səfərlərin həyata keçirilməsinin və müqavilə-hüquq bazasının möhkəmləndirilməsinin əhəmiyyətini vurğulayıb.

Ölkəmizə ilk dəfə səfər etdiyini qeyd edən Monqolustanın xarici işlər naziri Luvsanvandan Bold Dünya İqtisadi Forumunun ölkəmizdə yüksək səviyyədə təşkil olunduğunu qeyd edib və Azərbaycanda müşahidə etdiyi iqtisadi inkişaf tepmindən təsirləndiyini nəzərə çatdırıb.

Azərbaycanın inkişaf modelinin region üçün nümunə olduğunu vurğulayaraq, ölkəsinin Azərbaycanla qarşılıqlı münasibətləri inkişaf etdirməkdə maraqlı olduğunu bildirib.



Teqlər:





Xəbər lenti