Azərbaycanda ərzaq qıtlığı yoxdur

      Azərbaycanda ərzaq qıtlığı yoxdur
  29 İyun 2022    Oxunub:1623
"Azərbaycan hələ ki ərzaq qıtlığı ilə üz-üzə deyil". Bunu AQTA-nın Heyvan sağlamlığı şöbəsinin müdiri, respublikanın baş dövlət baytarlıq müfəttişi Qalib Əbdüləliyev deyib. Onun sözlərinə görə, qida təhlükəsizliyi riski yaradan heyvan kəsimi mədəniyyəti formalaşdırılmalıdır:
"Prosesə heyvan kəsimi ilə məşğul olan sahibkarlıq subyektləri də dəstək olmalıdır. Əhali də nöqsanlara qarşı mübarizə üsulu seçməlidir. Nəzərə almaq lazımdır ki, dünyada ərzaq qıtlığı təhlükəsi var. Buna iqlim dəyişiklikləri də öz təsirini göstərir. Bunun təzahürləri 150 il ərzində özünü büruzə verəcək. Misal olaraq, 10 il bundan əvvəl dünyada 1,3 milyard insan aclıqdan əziyyət çəkirdisə, son illərdə bu rəqəm xeyli azalıb. Belə ki, hazırda 850-900 milyon ətrafında insan aclıqdan əziyyət çəkir".

Şöbə müdiri həmçinin bildirib ki, yoluxucu xəstəliklərin 60 faizi heyvan mənşəlidir: "Bioloji silah kimi istifadə olunan törədicilərin 82 faizini heyvan mənşəli olanlar təşkil edir. Ət və süd məhsulları xəstəlikyayma baxımından əlverişli vasitədir".

AzVision.az


Teqlər: Ərzaq  





Xəbər lenti