Ukraynanın “Naftogaz” şirkəti 1 maydan etibarən təbii qazın qiymətini ən azı 50% artırmağa başlayacaq. Artımlar 2018-ci ilə qədər sabit bir təqvim çərçivəsində artırılacaq.
Mütəxəssislər bu bahalaşmanın Azərbaycanda da hiss ediləcəyinə diqqət çəkirlər.
Azərbaycan Ukraynadan əsasən qida məhsulları idxal edir. Ukrayna Azərbaycanın ən çox mal idxal etdiyi 5-ci ölkədir. Belə ki, 2013-cü ildə Ukraynadan Azərbaycana 589 milyon manatlıq mal gətirilib ki, bu da ümumi idxalın 5,5%-nə bərabərdir.
Azərbaycan Ukraynadan daha çox, buğda unu, qənnadı məmulatları, şokalad, süd və süd məhsulları, diri iribuynuzlu heyvan və onun ətini və s. qida məhsulları idxal edir.
2013-cü ildə Ukraynadan Azərbaycana 23,5 milyon manatlıq buğda unu, 13,8 milyon manatlıq duz, 8,9 milyon manatlıq qənnadı məmulatları, 8,7 milyon manatlıq bitki yağı, 7,2 milyon manatlıq şokolad məmulatları, 9 milyon manatlıq çörək-bulka və unlu qənnadı məmulatlar, 5,7 milyon manatlıq süd və süd məhsulları və s. idxal olunub.
AzVision.az
Ukrayna malları bahalaşa bilər
28 Mart 2014
Oxunub:1147
Bahalaşmanın Azərbaycanda da hiss ediləcəyi gözlənilir.
Vaxtında, Aydın, Lazımlı!
a-1727681504.jpg&h=200&w=200&zc=2&q=70)
