Bu il 285 min nəfərə Prezident təqaüdü ödənilib

   Bu il 285 min nəfərə Prezident təqaüdü ödənilib
  28 Oktyabr 2021    Oxunub :346
Bu ilin 9 ayı ərzində Azərbaycanda 285 min nəfərə Prezident təqaüdü ödənilib.
AzVision.az -ın xəbərinə görə, bu, İqtisadi İslahatların Təhlili və Kommunikasiya Mərkəzinin “2021-ci ilin ilk 9 ayı: İqtisadi artımın bərpası və post-konflikt quruculuğu” mövzusunda hazırladığı “İslahat İcmalı” hesabatda əksini tapıb.

Həmin müddətdə 441,3 min nəfərə isə sosial müavinətlər ödənilib. Bunun da 62 min nəfərinə birdəfəlik, 379,3 min nəfərinə isə aylıq müavinətlər verilib.

Bu ilin planına əsasən vətəndaşlara 3000 mənzil təqdim edilib. Bunun da 1600-ü şəhid ailələri və müharibə əlillərinə verilib. 160 avtomobildən 144-ü müharibə əlillərinə təqdim olunub.

Həmin müddət ərzində 62,7 min nəfər münasib işlə təmin olunub. Onlardan 23,3 min nəfəri isə ictimai işlə təmin olunanlardır. İşsizlikdən sığorta ödənişi təyin edilənlərin sayı isə 2 659 nəfər təşkil edib. İşsizlikdən sığorta ödənişinin orta aylıq məbləği 342,9 manat olub.

AzVision.az

Teqlər: Təqaüd  







Xəbər lenti