ABŞ prezidenti Barak Obama ilə canlı efirdə bəlkə də bu qədər sərbəst zarafatlaşan olmamışdı. Obama yeni səhiyyə islahatı planına gənclərin dəstəyini qazanmaq üçün nə məşhur kanallara, nə də ki, tok-şoulara müraciət etməyib. Yeni “prezident ünsiyyəti” formasını sınaqdan keçirən Ağ Ev rəhbəri məşhur yumorist və kinoaktyor Zak Qalifianakisin “İki qıjı arasında” internet verlişinin qonağı olub.
Verlişi açıq elan edən Zak, əvvəlcə Obamanı adını düzgün oxumamaqla çətin vəziyyətdə qoymağa çalışıb. Çox keçmədən aparıcı “Sonuncu qaradərili prezident olduğunu bilmək necə bir hissdir” deyə soruşub. Obama isə, “ciddimi deyirsən, bəs sonuncu dəfə kiminləsə söhbət etdiyini bilmək necə bir hissdir?” - deyə aparıcını zarafatyana hədələyib.
Qısametrajlı verliş boyu özünü saymazyana aparan, prezident səhiyyə islahatından danışan zaman saatına baxan Zak, qəfildən Obamaya əlindəki yaranı göstərir və hörümçək hücumuna məruz qaldığını deyir. Obama onun dərhal müalicə olunmasını məsləhət görərək, indiyə kimi belə bir iyrənc şey görmədiyini dilə gətirib.
Sonda Obama hamıya müəmmalı qalan qırmızı düyməni basır və əsas fon olan qara pərdə yerə enir. Çəkilişin elə Ağ evdə getdiyi məlum olur. Prezidentin, "Ağ Evdə çəkiliş aparmağa kim icazə verib" sualına Zak, Corc Buşun razılığını aldığını deyir.
Video internetə yerləşər-yerləşməz - 3 saat yarım ərzində bir milyondan çox baxış əldə edib.
)
AzVision.az
Obama “İki qıjı arasında” - VİDEO
12 Mart 2014
Oxunub:1195
Obama ilə canlı efirdə məzələndilər.
Vaxtında, Aydın, Lazımlı!
-1734005718.jpg&h=190&w=280&zc=1&q=100)
-1736513256.jpg&h=120&w=187&zc=1&q=70')
-1736252791.jpg&h=120&w=187&zc=1&q=70')
a-1727681504.jpg&h=200&w=200&zc=2&q=70)
