Azərbaycan cüdoçuları Kamerunda 5 medal qazanıb

  10 Noyabr 2019    Oxunub : 788
Azərbaycan cüdoçuları Kamerunda 5 medal qazanıb
Kamerunda cüdo üzrə Afrika açıq kuboku yarışı təşkil edilib. Gələn il Tokioda keçiriləcək Yay Olimpiya Oyunlarına lisenziya xalları verən beynəlxalq turnirdə ölkəmizi 5 qadın cüdoçu təmsil edib.
Azərbaycan Cüdo Federasiyasından Azvision.az -a verilən məlumata görə, Leyla Əliyeva (48 kq) və Larisa Florian (57 kq) bütün rəqiblərinə qalib gələrək qızıl medal qazanıblar. Digər cüdoçumuz, 52 kiloqram çəki dərəcəsində yarışan Gültac Məmmədəliyeva yalnız finalda uduzaraq ikinci yeri tutub. Aişə Qurbanlı (48 kq) və İçinxorloo Munxtsedev (57 kq) isə bürünc medala layiq görülüblər.

Qeyd edək ki, Afrika açıq kuboku uğrunda turnirdə 24 ölkədən 116 cüdoçu mübarizə aparıb.

Azvision.az

Teqlər: Cüdo   Yarış   Medal