54 minə yaxın şagirdin yerdəyişməsinə icazə verildi

   54 minə yaxın şagirdin yerdəyişməsinə icazə verildi
  14 Oktyabr 2019    Oxunub:1905
Cari ildən etibarən şagirdlərin yerdəyişməsi www.sy.edu.az portalı vasitəsi ilə elektron formada həyata keçirilir.
Təhsil Nazirliyindən Azvision.az -a verilən məlumata görə, 2019-cu il sentyabrın 15-dək şagirdlərin elektron yerdəyişməsi ilə bağlı ümumilikdə 54 min 830 müraciət daxil olub. Onlardan 53 min 955 şagirdin digər təhsil müəssisəsinə yerdəyişməsinə icazə verilib. 875 sorğuya isə dil uyğunsuzluğuna, daxili müsabiqə keçirən lisey və məktəb-liseylərin müsabiqə nəticələrinə əsasən imtina verilib.

Elektron yerdəyişmə prosesi ilə bağlı sorğuların qəbulu oktyabrın 21-dən etibarən davam etdiriləcək.

Şagird yerdəyişməsinin elektronlaşdırılması bu prosesdə məktəb və valideyn arasında məsafənin azaldılmasında, valideynin təhsil müəssisəsi ilə təmasının daha şəffaf şəkildə təşkilində mühüm rol oynayır.

Azvision.az



Teqlər: TəhsilNazirliyi  





Xəbər lenti